საქართველოსა და ევროკავშირს შორის სავიზო რეჟიმის შემდგომი ლიბერალიზაციის მიზნით დიალოგის წარმოებისათვის სამუშაო ჯგუფი შეიქმნა.

2011 წლის 1 დეკემბრის საქართველო-ევროკავშირის თანამშრომლობის მე-12 სხდომაზე საქართველოსთან სავიზო რეჟიმის შემდგომ ლიბერალიზაციასთან დაკავშირებით, ევროკავშირის გადაწყვეტილებიდან გამომდინარე, ევროკავშირთან უვიზო რეჟიმის შემოღების შესახებ დიალოგის წარმოებისთვის შექმნილი სამუშაო ჯგუფში შემდეგნაირად დაკომპლექტდა:

თორნიკე გორდაძე – საქართველოს საგარეო საქმეთა მინისტრის მოადგილე, სამუშაო ჯგუფის ხელმძღვანელი;

ნინო კალანდაძე – საქართველოს საგარეო საქმეთა მინისტრის მოადგილე;

ეკატერინე ზღულაძე – საქართველოს შინაგან საქმეთა მინისტრის პირველი მოადგილე;

თინა ბურჯალიანი – საქართველოს იუსტიციის მინისტრის პირველი მოადგილე;

გიორგი ვაშაძე – საქართველოს იუსტიციის მინისტრის მოადგილე;

თამარ ბერუჩაშვილი – ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის მთავარი მრჩეველი;

თამარ კინწურაშვილი – საქართველოს ეროვნული უშიშროების საბჭოს მდივნის მოადგილე;

ვახტანგ ლეჟავა – საქართველოს მთავრობის კანცელარიის მმართველობისა და ეკონომიკურ საკითხებში მრჩეველთა ჯგუფის (დეპარტამენტი) უფროსი – საქართველოს პრემიერ-მინისტრის მთავარი მრჩეველი;

სალომე სამადაშვილი – ბელგიის სამეფოში საქართველოს საგანგებო და სრულუფლებიანი ელჩი, ევროკავშირში საქართველოს წარმომადგენელი;

თეა ახვლედიანი – საქართველოს საგარეო საქმეთა სამინისტროს ევროინტეგრაციის დეპარტამენტის დირექტორი;

გიორგი ტაბატაძე – საქართველოს საგარეო საქმეთა სამინისტროს საკონსულო დეპარტამენტის დირექტორი;

თინათინ გოლეთიანი – საქართველოს საგარეო საქმეთა სამინისტროს საერთაშორისო სამართლებრივი დეპარტამენტის დირექტორი;

სამუშაო ჯგუფს, მიგრაციის საკითხთა სამთავრობო კომისიასთან კოორდინირებულად, სათანადო ღონისძიებების გატარება, ევროკავშირთან უვიზო რეჟიმის შემოღების შესახებ დიალოგის მომზადებისა და წარმოების მიზნით, საქართველოს პოზიციის შემუშავება დაევალა.

Internet.ge