ბიძინა ივანიშვილის პრესსპიკერი, მაია ფანჯიკიძე, ტელეკომპანია „მე-9 არხის“ ეთერში გასვლის შესახებ ინფორმაციას არ ფლობს.

როგორც „ინტერენეტ.ჯი"-ს ფანჯიკიძემ განუცხადა, მას ტელეკომპანიასთან არავითარი შეხება არ აქვს და ამ არხთან დაკავშირებულ კითხვებს ვერ უპასუხებს.

მაია ფანჯიკიძის თქმით, ერთადერთი რისი თქმაც შეუძლია ისაა, რომ

ტელეკომპანია ეთერში მალე უნდა გავიდეს.

ტელეკომპანია „მე-9 არხის“ ეთერში გასვლის თარიღი რამდენჯერმე შეიცვალა. არხის გენერალური დირექტორი, კახა ბექაური ზუსტ ციფრს, როდის დაიწყებს მაუწყებლობას ტელევიზია, ახლაც ვერ ასახელებს.

„პრესა.ჯი“-სთან საუბრისას კახა ბექაურმა განაცხადა, რომ „მე-9 არხი“ ეთერში მიმდინარე თვეს გავა და რომ გავრცელებული ხმები, თითქოს ლიცენზია მათ პირველ აპრილამდე აქვთ, სიმართლეს არ შეესაბამება.  

internet.ge