"გლობალ TV"- ის ამერიკელმა მეწილემ, ალექსანდრე რონჟესმა, საქართველო დღეს, გამთენიისას დატოვა.

როგორც „ინტერნეტ.ჯი“-ს ადვოკატმა ლილი გელაშვილმა განუცხადა, ბიზნესმენი სამართალდამცავების მიერ 5 საათიანი დაკითხვის შემდეგ, გვიან ღამით გაათავისუფლეს.

„ჩემი დაცვის ქვეშ მყოფმა ყველა კითხვას ამომწურავი პასუხი გასცა, რის შემდეგაც საქართველოდან წასვლის გადაწყვეტილება მიიღო“, - განაცხადა ადვოკატმა.

გელაშვილის ინფორმაციით, რონჟესს ქვეყანა საბოლოოდ არ დაუტოვებია.

ფინანსთა სამინისტროს საგამოძიებო სამსახურის ინფორმაციით, "გლობალ TV"- ს ამერიკელი მეწილე, უკანონო შემოსავლის შესაძლო ლეგალიზაციის ფაქტზე აღძრულ საქმეზე მოწმის სტატუსით დაიკითხა.

სამართალდამცავებმა ბიზნესმენი თბილისის საერთაშორისო აეროპორტიდან აიყვანეს.

internet.ge