რუსეთში, ტიუმენის ოლქთან, სამგზავრო თვითმფრინავ ATR-72-ის კატასტროფასთან დაკავშირებით დეტალები ზუსტდება. ამ დროისთვის „რია ნოვოსტი“ ავრცელებს ინფორმაციას, რომ ავიაკატასტროფას 32 ადამიანი ემსხვერპლა.

თვითმფრინავი, რომელიც ტიუმენი-სურგუტის რეისს ასრულებდა, „როშინოს“ აეროპორტიდან აფრენის შემდეგ, რამდენიმე წუთში ჩამოვარდა. შემთხვევა დილით, 06:45 სთ-ზე მოხდა.

ბორტზე მყოფი 43 ადამიანიდან 39 მგზავრი, 4 კი ეკიპაჟის წევრი იყო. ამ დროის მონაცემებით გადარჩენილია მხოლოდ 11 ადამიანი. რუსული სააგენტოების ცნობით დაღუპლთა შორის  ბავშვები არ არიან.

Internet.ge