პარლამენტის თავმჯდომარე დავით ბაქრაძეს, ისრაელის ქნესეთის მეგობრობის ჯგუფის წევრებთან გამართულ შეხვედრაზე, იერუსალიმის ჯვრის მონასტრის საკითხზე არ უსაუბრია. 

როგორც ჟურნალისტებს ქნესეთის დეპუტატმა, ნინო აბესაძემ განუცხადა,  მან საქართველო 16 წლის წინ დატოვა და იმის ახსნა არ სჭირდება, თუ რას ნიშნავს საქართველოსთვის იერუსალიმის ჯვრის მონასტერი.

„ამჟამად, ისრაელის სახელმწიფოს ქნესეთის დეპუტატი ვარ და ერთი რამ ზუსტად ვიცი, სახელმწიფოს კონფესიათა შორის ურთიერთობაში ჩარევა არ შეუძლია. რელიგიურ კონფესიათა შორის ურთიერთობაში დემოკრატიული სახელმწიფო ვერ ერევა“, – აცხადებს აბესაძე.

შეგახსენებთ, რომ დავით ბაქრაძე ისრაელს მარტში ეწვია და იერუსალიმის ჯვრის მონასტრის საკითხზე, ებრაელ მაღალჩინოსნებთან გამართულ შეხვედრებზე ისაუბრა.

internet.ge