აფხაზეთის  მთავრობის თავმჯდომარე გიორგი ბარამია  საქართველოს ეროვნულ არქივში ნატო მარშანიას წიგნის -„ქედუხრელი რაინდი“ პრეზენტაციას დაესწრება.

როგორც „ინტერნეტ.ჯი“-ს აფხაზეთის მთავრობიდან აცნობეს, ბარამია ეროვნულ არქივში დღეს 13:00 საათზე მივა.  

ცნობისთვის, ნაშრომში აფხაზეთის  მთავრობის პირველი თავმჯდომარის, არზაყან ემუხვარის ცხოვრება და მოღვაწეობაა ასახული.

პრესსამსახურის ინფორმაციით, პრეზენტაციის პარალელურად, აფხაზეთში პირველი საგანმანათლებლო  კერების საარქივო მასალების გამოფენა  მოეწყობა.

ღონისძიება აფხაზეთის ავტონომიური რესპუბლიკის მთავრობის მხარდაჭერით, აფხაზეთის განათლებისა და კულტურის სამინისტროსა  და საქართველოს ეროვნულ არქივის ორგანიზებით იმართება.

Internet.ge