ბრალდებულს უფლება ექნება, სასამართლო პროცესში მონაწილეობა დისტანციურად მიიღოს. ამასთან დაკავშირებით პარლამენტის მიერ სისხლის სამართლის საპროცესო კოდექსში შეტანილი შესაბამისი ცვლილებები „საკანონმდებლო მაცნეში“ უკვე გამოქვეყნდა.

ეს ცვლილებები 2 კვირის შემდეგ ამოქმედდება.

ახალი რეგულირების თანახმად, ბრალდებულს საშუალება ეძლევა, სასამართლო პროცესში მონაწილეობა უშუალოდ ან ტექნიკური საშუალებების გამოყენებით მიიღოს. ამ უფლების რეალიზაციისთვის დაცვის მხარის შუამდგომლობაა საჭირო.

დისტანციური მონაწილეობის განხორციელება Skype-ის პროგრამით იქნება შესაძლებელი.

internet.ge