საქართველოს
შს სამინისტროს ინფორმაციით, 2011
წელს, საქართველოში ვიზიტორთა რაოდენობამ 2 822 363 შეადგინა.
რაც შეეხება 2012 წლის პირველ კვარტალს, ქვეყანას უკვე 680 ათასამდე
პირი ეწვია, რაც 2011 წლის იგივე პერიოდის მაჩვენებელს, დაახლოებით 40%-ით აღემატება. 2012 წლის
პირველ კვარტალში საქართველოს ყველაზე მეტი ვიზიტორი ჰყავდა თურქეთიდან,
აზერბაიჯანიდან, სომხეთიდან, რუსეთიდან და ირანიდან. ასევე მნიშვნელოვანი მატება
იყო ევროკავშირის ქვეყნებიდან.
აღსანიშნავი იყო განსაკუთრებული დაინტერესება ავსტრიის მოქალაქეების
მხრიდან, სადაც 103%-იანი მატება აღინიშნა. 35%-ით მეტი იყო აშშ-ს მოქალქეთა
კატეგორია.
აღსანიშნავია საქართველოთი დიდი დაინტერესება რუსეთის მოქალაქეების
მხრიდან. როგორც მოგეხენებათ, 2012 წლის პირველი მარტიდან, საქართველოს პრეზიდენტის ინიციატივით,
ძალაში შევიდა რუსეთის მოქალაქეებისთვის მიმოსვლის უვიზო რეჟიმი, რამაც მარტში
რუსეთის მოქალაქეების საქართველოში სტუმრობა გაასამმაგა.
კერძოდ, 2011 წლის მარტში, საქართველო თუ რუსეთის 2163-მა მოქალაქემ მოინახულა, 2012 წლის მარტის თვეში
მათმა რაოდენობა 6192 შეადგინა, - ნათქვამია შს სამინისტროს
განცხადებაში.
internet.ge
