კომპანია „ელიტა ბურჯი“ მუშაობას ჩვეულ რეჟიმში განაგრძობს. ამის შესახებ „ინტერნეტ.ჯი“-ს კომპანიის თანამშრომელმა, გოგიტა მოდებაძემ განუცხადა.

მისი თქმით, პოლიციელებმა კომპანიის შენობა დღეს დილით დატოვეს.

„დალუქულია მხოლოდ „გლობალ TV"- ის კუთვნილი ანტენები. ელიტა ბურჯი ჩვეულ რეჟიმში, შეფერხების გარეშე განაგრძობს მუშაობას“,- განაცხადა მოდებაძემ.

“ელიტა ბურჯში” სამართალდამცავები გუშინ შევიდნენ.

პროკურატურის ინფორმაციით, "ელიტა ბურჯში" კრიმინალური პოლიციისა და პროკურატურის თანამშრომლები  კომპანია „გლობალ კონტაქტ კონსალტინგის" კუთვნილი სატელიტური ანტენების დასაყადაღებლად მივიდნენ.

internet.ge