კულტურის სამინისტროში დღეს ბაგრატის ტაძრის პროექტის პრეზენტაცია გაიმართა, სადაც 1970 წლიდან დღემდე დათარიღებული ფოტოები იყო გამოფენილი. 

საქართველოს კულტურისა და ძეგლთა დაცვის მინისტრის, ნიკოლოზ რურუას შეფასებით, არსებობენ ძალები, რომლებსაც ძალიან უნდათ საქართველოში განხეთქილება ჩამოაგდონ და ნებისმერი თემის პოლიტიზირება მოხდეს.

„ტაძარი რეკონსტრუქციის დასრულების მე-4 ფაზაშია და ახლა არის დრო, როდესაც შეგვიძლია გარემოებებიდან გამომდინარე გავფანტოთ დეზინფორმაცია და არაკომპეტენტური დასკვნები, რომელიც ამ პროექტის მიმართ გამოითქვა. არსებობენ ძალები, რომლებსაც ძალიან უნდათ საქართველოში განხეთქილება ჩამოაგდონ და ნებისმერი თემის პოლიტიზირება მოხდეს“,- განაცხადა რურუამ.

პრეზენტაციას საქართველოს კულტურული მემკვიდრეობის დაცვის ეროვნული სააგენტოს გენერალური დირექტორი ნიკოლოზ ვაჩეიშვილი, იტალიელი რესტავრატორი, UNESCO-ს მნიშვნელოვანი და მასშტაბური პროექტების ავტორი და კონსულტანტი, ანდრეა ბრუნო და საზოგადოების სხვა წარმომადგენლები ესწრებოდნენ.

internet.ge