ფონიჭალაში, სადგურის ქუჩაზე, მოკლული 21 წლის ზურაბ სხირტლაძის მეგობარ გოგონას, თეონა ჩიხლაძის სამართალდამცავები მას შემდეგ დაკითხავენ, რაც არასრულწლოვანი კომატოზური  მდგომარეობიდან გამოვა.

აღნიშნულის შესახებ „ინტერნეტ.ჯი“-ს შინაგან საქმეთა სამინისტროს პრესსამსახურის ხელძღვანელმა ზურაბ გვენეტაძემ განუცხადა.

„გოგონა ჯერ არ დაკითხულა, ველოდებით კომიდან გამოსვლას“,- აცხადებს გვენეტაძე.

ინგოროყვას სახელობის კლინიკაში კი, სადაც ჩიხლაძეა მოთავსებული. პაციენტის მდგომარეობას მკავრად ასაიდუმლოებენ.

როგორც „ ინტერნეტ.ჯი“-ს საუნივერსიტეტო კლინიკის საზოგადოებასთან ურთიერთობის სამსახურში განუცხადეს,  პაციენტის მშობლემბა ექიმებს 17 წლის შვილის ჯანმრთელობის მდგომარეობის შესახებ  ინფორმაციის გაცემა აუკრძალეს.

შეგახსენებთ, ა.წ 14 ივნისს, ფონიჭალაში, სადგურის ქუჩაზე, 21 წლის ზურაბ სხირტლაძე დაიღუპული, 17 წლის გოგონა კი დაჭრილი იპოვეს.

სხირტლაძეს ორი ტყვია გულმკერდისა და მუცლის არეში ჰქონდა მოხვედრილი.

მომხდართან დაკავშირებით, სამი ვერსია ვრცელდება.

ერთ-ერთი ვერსიით, სხირტლაძემ „ტეტეს“ ტიპის იარაღით თავისი შეყვარებული დაჭრა და შემდეგ თავი მოიკლა.

არსებობს საპირისპირო ვერსია, რომ გოგონამ მოკლა შეყვარებული. თუმცა სამართალდამცავები კიდევ ერთ ვერსიაზე მუშაობენ. რომლის თანახმადაც საქმეში მესამე პირი ფიგურირებს.

Internet.ge