სოფლის მეურნეობის მინისტრის მოადგილემ ია ჯანაშიამ სოფლის მეურნეობის სამინისტროს ინიციატივით შექმნილი Facebook-ის ქართული თამაშის - "მეღვინეს“ I ეტაპის სამ გამარჯვებულს პრიზები გადასცა.

თამაშის „მეღვინე“ პირველი ტური 21 მაისს დაიწყო და უკვე 20 000-ზე მეტი მონაწილე ჰყავს. ამჟამად დაწყებულია მეორე ეტაპი, რომელიც 22 ივლისს დასრულდება.

სოფლის მეურნეობის მინისტრის ინიციატივით, სამი თვის განმავლობაში ონლაინ-

თამაშს შეჯიბრის სახე ექნება, 3 ეტაპად გაგრძელდება და თითოეული ეტაპის გამარჯვებულები სპეციალური პრიზებით დაჯილდოვდებიან.

"მეღვინე“ მიზნად ისახავს საქართველოში მეღვინეობისა და ქართული უნიკალური ვაზის ჯიშების პოპულარიზაციას.

თამაში "მეღვინე“ სოფლის მეურნეობის სამინისტროს ინიციატივით და კომპანიების - "ალდაგი ბისიაის”, "ჯი პი აი ჰოლდინგის” , "იმედი ელის”, "საქართველოს ბანკის“, "თიბისი ბანკის“, "ლიბერთი ბანკის“ და "საქართველოს სოფლის მეურნეობის კორპორაციის” მხარდაჭერით შეიქმნა.

Internet.ge