ხარკოვში, კიევის რაიონულ სასამართლოსთან, სადაც უკრაინის ექს-პრემიერის იულია ტიმოშენკოს სასამართლო პროცესი იმართება, აქცია მიმდინარეობს.

სასამართლო 90-იანი წლების ფინანსური მაქინაციების საქმეს განიხილავს, როცა ტიმოშენკო კორპორაცია „უკრაინის ერთიანი ენერგეტიკული სისტემების“ ხელმძღვანელი იყო.

უკრაინული „უნიანის“ ცნობით, სასამართლოს შენობასთან 1000-ზე მეტი ადამიანია შეკრებილი და მათი რაოდენობა მატულობს.

თავად ტიმოშენკო პროცესს არ ესწრება. სამაგიეროდ, მასში მონაწილეობს პოლონეთის ყოფილი პრეზიდენტი ალექსანდრ კვასნევსკი და ევროპარლამენტის ექს-პრეზიდენტი პატრის კოკსი, რომლებმაც ხარკოვის საავადმყოფოში მყოფი ტიმოშენკო გუშინ მოინახულეს.

Internet.ge