დღეს, 19:00 საათზე GDG თბილისის ორგანიზებით, Google-ის ყოველწლიური და ყველაზე მასშტაბური კონფერენციის Google I/O-ს ლოკალური ღონისძიება Google I/O Extended გაიმართება.  საქართველო, მსოფლიოს სხვა მრავალ ქვეყანასთან ერთად, მას წელს პირველად უმასპინძლებს.

ღონისძიების ფარგლებში მოხდება გამოსვლების პირდაპირი ტრანსლაცია სან-ფრანცისკოდან, ასევე, მოეწყობა ქართველი კომპანიებისა და დამოუკიდებელი დეველოპერების მიერ შექმნილი ვებ და მობილური აპლიკაციებისა და თამაშების გამოფენა – Developers Expo. ამასთან ერთად, Google Apps Developers Challenge გლობალური კონკურსის პრეზენტაციაც გაიმართება.

„GDG თბილისი“ ყველა ქართველ დეველოპერს და ზოგადად Google-ის ტექნოლოგიებით დაინტერესებულ პირებს ეპატიჟება. მასზე დასასწრებად წინასწარი  რეგისტრაციის გავლაა საჭირო.

ღონისძიება ახალი ტექნოლოგიების ცენტრში, „შპს ვუდ სერვისში“ ჩატარდება.

Internet.ge