ამერიკის შტატ კოლორადოს მცხოვრები 32 ათასზე მეტი ადამიანი იძულებული გახდა საკუთარი სახლები დაეტოვებინა. შტატის აღმოსავლეთით ტყეებში ხანძარი გასული შაბათიდან მძვინვარებს. ცეცხლის გავრცელებას ქარიც უწყობს ხელს.

წუხელ ქალაქ კოლორადო-სპრინგსის შემოგარენში ხანძარს მოცული ჰქონდა ტერიტორიის 2,5 ათასი ჰექტარი და ქალაქის კვარტლებისკენ მიიწევდა. ხელისუფლებამ მოსახლეობის გარდა სამხედრო-საჰაერო ძალების აკადემიის ევაკუირებაც მოახდინა.

„საშინელი მდგომარეობაა“ - განაცხადა სახანძრო სამსახურის წარმომადგენელმა „რის ნოვოსტისთან“ საუბარში.

შტატის ტერიტორიაზე კიდევ 6 მასშტაბურ ხანძარს ებრძვიან, რაშიც რამდენიმე ათასი მეხანძრე და 70 ერთეული ავიატექნიკა მონაწილეობს.

internet.ge