2012 წლის ერთიანი ეროვნული გამოცდები ხარვეზების გარეშე მიმდინარეობს. ამის შესახებ ჟურნალისტებს  გამოცდების ეროვნული ცენტრის ხელმძღვანელმა ხატია დეკანოიძემ განუცხადა.

მისი თქმით, საგამოცდო პროცესი ზუსტად 09:00 საათზე, ხოლო რეგისტრაცია ერთი საათით ადრე დაიწყო.

„გამოცდები ყველა საგამოცდო ცენტრში  მშვიდ ვითარებაში მიმდინარეობს. ჯერჯერობით არავითარი შეტყობინება ხარვეზებისა და პრობლემების შესახებ გამოცდების ეროვნულ ცენტრში არ შემოსულა“,- ამბობს ცენტრის ხელმძღვანელი.

ერთიანი ეროვნული გამოცდები ქართული ენისა და ლიტერატურის გამოცდით დაიწყო.

2012 წლის ერთიან ეროვნულ გამოცდებზე 35 000-ზე მეტი აბიტურიენტი და გრანტის გაუმჯობესების მიზნით 5000-მდე სტუდენტი დარეგისტრირდა.

internet.ge