კოალიცია "ქართული ოცნების" ლიდერის შვილი, ბერა ივანიშვილი, ახალი გასართობ-შემეცნებითი არხის ჩაშვებასთან დაკავშირებით ინფორმაციას Facebook- ით ავრცელებს.

როგორც ბერა ივანიშვილი საკუთარ გვერდზე წერს, ქართულ ტელესივრცეში მალე ახალი ტელევიზია GDS გამოჩნდება.

"ახალი ტელევიზია GDS!!! პირველი გასართობ-შემეცნებითი არხი ქართულ ტელესივრცეში. უამრავი სიურპრიზი გელით", - ამბობს ბიძინა ივანიშვილის ვაჟი.

ამასთან, ბერამ პრომო-რგოლიც ატვირთა, სადაც "რუსთავი-2"-ის გასართობი შოუების ყოფილი მსახიობები: თემო მჟავია, ამიკო ჩოხარაძე და ლევან გოგორელიანი იღებენ მონაწილეობას. კადრში ჩანს ტელეკომპანიის კიდევ ერთი პროექტის „ჯეო ბარის“ გამარჯვებული - „ჩელე“.

შეგახსენებთ, რომ "რუსთავი 2"-ის გადაცემა "კომედი შოუს" სამი თანამშრომელი ბერა ივანიშვილის Georgian Dream Studio-ს  სამი თვის წინ  შეუერთდა.

internet.ge