საინფორმაციო-ანალიტიკური პორტალი ‘’პრესა.ჯი" აქვეყნებს ბიძინა ივანიშვილის წერილს, რომელიც მან თავისი კომპანიების ფიქტიურ მფლობელს გაუგზავნა და რომლითაც თავისი კომპანიების შვილზე, უტა ივანიშვილზე გადაფორმება მოითხოვა, ასევე აქვეყნებს სანოტარო აქტს, რომლითაც ივანიშვილმა საკუთარი ხელმოწერის ნამდვილობა დაადასტურა.

"პირველი შემთხვევა ცალსახად მიანიშნებს, როგორი გზებით ცდილობს ივანიშვილი, რეალურად ნაკლები ქონების მფლობელი გამოჩნდეს, რითაც თავს აარიდებს ქონების დაყადაღებას ან სხვა მოსალოდნელ, კანონიერ ქმედებებს მის წილებთან დაკავშირებით. 

ხოლო მეორე შემთხვევა ცხადყოფს, რომ 2012 წლის 19 ივნისამდე, ანუ, ამ სანოტარო აქტის შედგენამდე „თხემით ტერფამდე საქართველოზე შეყვარებული“ ბიძინა ივანიშვილი დოკუმენტაციას ხელს ქართულად არ აწერდა - მისი ხელმოწერები რუსული იყო..."- წერს გამოცემა.

დოკუმენტით ირკვევა, რომ  2012 წლის 19 ივნისს, თბილისი, ჭავჭავაძის 39 ა-ში, ნოტარიუს ეკატერინე გვანცელაძეს მიმართა მოქალაქე ბიძინა ივანიშვილმა და მიიწვია ის ერეკლე მეორის მოედანზე, თავის ოფისში, ხელმოწერის ნოტარიული წესით დასამოწმებლად.

ნოტარიუსმა შეამოწმა პირადობა, ქმედითუნარიანობა, დარწმუნდა მისი ნების გამოვლენაში და მისი თანდასწრებით შესრულებული ხელმოწერა დაადასტურა. ეს ქმედება არ ნიშნავს ხელმოწერილი დოკუმენტის დადასტურებას - მისი შესრულებით მხოლოდ ხელმოწერის ნამდვილობა დასტურდება. 

რაც შეეხება ვინმე ბ-ნ ვასილიადესისთვის გაგზავნილ წერილს, იგი ასეთი შინაარსისაა:

„15 ივნისი, 2012 წელი:

ბატონ ვასილიადესის საყურადღებოდ:

ბიძინა გრიგოლის ძე ივანიშვილისგან

პატივცემულო ბატონო ვასილიადეს!

გთხოვთ, შემდეგი კომპანიები: 

TARPAN MANAGEMENT LIMITED

FINSEK LIMITED

SARGANS LIMITED

RINGOLD FINANCE LIMITED

KRISTA INVESTMENT LIMITED

VISALIA ENTERPRISES LIMITED

GILMAR HOLDING LIMITED

FRESNO MANAGEMENT LIMITED

VANITY OVERSEAS LIMITED

გადასცეთ ახალ ბენეფიციარ მფლობელს, უტა ივანიშვილს.

ცვლილებების შეტანის თარიღი 2 მაისი, 2012.

გთხოვთ, გამოაგზავნოთ შესაბამისი დოკუმენტაცია. დაბეჯითებით გთხოვთ, რომ საბუთები გადმოაგზავნოთ მაქსიმალურად ოპერატიულად. 

რაიმე სახის დაბრკოლების ან შეკითხვების არსებობის შემთხვევაში, გთხოვთ ჩამაყენოთ საქმის კურსში.

საუკეთესო სურვილებით: ბ. ივანიშვილი“.

რაც შეეხება ნოტარიუსის ჩანაწერს, ის ქართულ და რუსულ ენებზე შედგენილი.

იხ. წყარო

internet.ge