"საგანმანათლებლო პოლიტიკისა და კვლევების ასოციაცია" პოლიტიკისგან შორს დგას, თუ გარკვეულმა პოლიტიკურმა სუბიექტებმა ჩვენი ენჯეოსთვის თანხის შემოწირულობა გადაწყვიტეს, ეს ჟურნალისტებისთვის ცნობილი იმავე დღეს გახდება“ -  ამის შესახებ „ინტერნეტ.ჯი“- ს  გამოცდების ეროვნული ცენტრის ყოფილი ხელმძღვანელის, მაია მიმინოშვილის ახლადშექმნილი ასოციაციის წევრმა - ია კუტავაძემ განუცხადა.

მისი თქმით, ორგანიზაცია საკუთარ საქმიანობას საერთაშორისო დონორი ორგანიზაციების მხარდაჭერით განახორციელებს.

„უკვე გავგზავნეთ შესაბამისი წერილი სოროსის ფონდში და სხვა საერთაშორისო ფონდებში. ამ ეტაპზე ჰოლანდიური ორგანიზაცია “DUTCH TEST“- თან მოლაპარაკებები თითქმის დასრულებულია“,- განაცხადა კუტავაძემ.

სააგენტოს კითხვაზე, ერთ-ერთ კაფეში მიმინოშვილის შეხვედრა კოალიცია „ქართული ოცნების“ რიგებში შემავალ პოლიტიკურ ფიგურებთან, ხომ არ უკავშირდება ივანიშვილის მიერ ასოციაციისთვის შესაძლო ფინანსურ დახმარებას, "საგანმანათლებლო პოლიტიკისა და კვლევების ასოციაციის“ თანამშრომელი ამბობს, რომ გია ხუხაშვილთან და ნინო გოგუაძესთან ეროვნული ცენტრის ყოფილი ხელმძღვანელი მეგობრობს და აღნიშნული შეხვედრა მხოლოდ მეგობრულ ხასიათს ატარებდა.

მაია მიმინოშვილმა, "საგანმანათლებლო პოლიტიკისა და კვლევების ასოციაცია" დღეს დააარსა.

internet.ge