თბილისის
მერმა გიგი უგულავამ დღეს, ახალი ხუთვარსკვლავიანი
სასტუმრო
“ციტადელ ნარიყალა” გახსნა.
უგულავას
განცხადებით,
ქალაქში ასეთი სასტუმროების გახსნა მნიშვნელოვანია,
რადგან ტურიზმის განვითარებასა და დასაქმებას უწყობს ხელს.
მერის
თქმით, პროგრამამ “ძველი თბილისის ახალი სიცოცხლე” ხალხსა და ქართულ ბიზნესს დიდი სარგებელი მოუტანა.
“რამდენიმე
წლის წინ ჩვენ დავიწყეთ ახალი პროგრამა “ძველი თბილისის ახალი სიცოცხლე”, რომელიც ძველ თბილისში მაცხოვრებლების პირობების გაუმჯობესებას ისახავდა მიზნად. ამ პროგრამამ დიდი სარგებელი მოუტანა ხალხს და ქართულ ბიზნესს. საქართველოში ტურიზმი არის ეკონომიკის ერთ-ერთი მნიშვნელოვანი ლოკომოტივი. ბოლო დროს 40%-ით გაიზარდა ტურისტების რაოდენობა ასევე, 2015 წელს ვუმასპინძლებთ სუპერთასის ფინალს, რაც დამატებითი ბრენდირების საშუალებაა ჩვენი ქალაქისთვის”,- განაცხადა უგულავამ.
Internet.ge
