თბილისის მერის მოადგილემ ანდრია ურუშაძემ დღეს შეზღუდული შესაძლებლობების მქონე 210 მოზარდი, მშობლებთან ერთად,  ბორჯომსა და ურეკში გააცილა, სადაც ისინი 12 დღეს გაატარებენ.

საქართველოს სხვადასხვა კურორტზე, ამ სეზონზე სულ შეზღუდული შესაძლებლობების მქონე  1 400  მოზარდი დაისვენებს.

ამ ეტაპზე ბორჯომსა და ურეკში  ბავშვების პირველი ნაკადი გაემგზავრა. ბავშვები დასვენებასთან ერთად სარეაბილიტაციო მკურნალობასაც გაივლიან, რაც ხელს შეუწყობს მათი ჯანმრთელობის მდგომარეობის გაუმჯობესებას.

თბილისის მერია შეზღუდული შესაძლებლობების მქონე ბავშვებისათვის საქართველოს კურორტებზე უფასო დასვენება-რეაბილიტაციის პროგრამას უკვე მერვე წელია ახორციელებს.

internet.ge