ევრო 2012-ის მიმდინარეობისას, უკრაინის საზღვარი 8,5 მილიონმა ტურისტმა გადაკვეთა. ამის შესახებ კიევის მერიის წარმომადგენელმა ანატოლი გოლუბჩენკომ განაცხადა.

„სახელმწიფო სასაზღვრო სამსახურის მონაცემებით, 5 ივნისიდან 1-ელი ივლისის ჩათვლით უკრაინაში 8,5 მილიონი ტურისტი და 2 მილიონამდე სატრანსპორტო საშუალება შემოვიდა. მხოლოდ 1-ელ ივლისს ქვეყნის საზღვარი 360 ათასმა ადამიანმა და 70 ათასამდე სატრანსპორტო საშუალებამ გადმოკვეთა. „ბორისპოლის“ აეროპორტმა კი ამ დღეს 642 რეისი და 41 ათასი ადამიანი მიიღო,“ - აღნიშნა მან.

მერიის წარმომადგენელმა ხაზი გაუსვა იმასაც, რომ ევრო 2012-ის მიმდინარეობისას კიევის სასტუმროებში მთლიანობაში 100 ათასზე მეტი ადამიანი გაჩერდა:

„მათ შორის იყო 3 600 რუსი, 3 ათასი შვედი, 2 600 ინგლისელი, 2 300 ესპანელი, 2 ათასი იტალიელი, ათას-ათასი ფრანგი და პოლონელი, 600 ამერიკელი და 400 ჩინელი. გარდა ამისა, 6 ათასამდე შვედი ტრუხანოვის კუნძულზე იყო განთავსებული, ფინალისთვის კი დამატებით 5 ათასი ესპანელი და 3 ათასი იტალიელი ჩამოვიდა,“ - განაცხადა გოლუბჩენკომ.

Internet.ge