"ქართულ ოცნებაში" შემავალი პარტიების მიმართ იძულებითი აღსრულება მას შემდეგ დაიწყება, როდესაც აღსრულების ეროვნულ ბიუროში სააპელაციო სასამართლოდან „ქართულ ოცნებაში“ შემავალი პარტიების დაჯარიმებასთან დაკავშირებით სააღსრულებო ფურცელი შევა.

როგორც „ინტერნეტ.ჯი“-ს ბიუროს პრესსამსახურში განუცხადეს, მსგავსი დოკუმენტი უწყებაში ჯერ არ შესულა.

კოალიცია "ქართულ ოცნებაში" შემავალი პარტიების დაჯარიმების გადაწყვეტილება თბილისის საქალაქო სასამართლომ კონტროლის პალატის ოქმის საფუძველზე მიიღო.

მოსამართლე ილონა თოდუას გადაწყვეტილებით, აღნიშნული პარტიები 2 383 097 ლარით დაჯარიმდნენ. სააპელაციო სასამართლომ ეს გადაწყვეტილება ძალაში დატოვა.

კოალიციაში შემავალი პარტიები  ჯარიმის გადახდას არ აპირებენ.

internet.ge