დღეს თბილისის სახელმწიფო უნივერსიტეტის სააქტო დარბაზში პროექტ „სტუდენტური სახე 2012"-ის შესარჩევი კონკურსი გაიმართა. მასში მონაწილეობას 19 უმაღლესი სასწავლებლის სტუდენტი გოგონები იღებდნენ. 100 კონკურსანტიდან ჟიურიმ 19 ფინალისტი შეარჩია.

შერჩეული კონკურსანტები თბილისის მასშტაბით დაგეგმილ სხვადასხვა სახის ღონისძიებებში ჩაერთვებიან.

„სტუდენტური სახე 2012"-ის საკონკურსო ნაწილი ქალაქ ბათუმში ჩატარდება. ფინალური ეტაპი 28 ივლისს ბათუმის ოპერის თეატრში გაიმართება, სადაც ჟიური სხვადასხვა ნომინაციებში გამარჯვებულ გოგონებს და „სტუდენტური სახე 2012"-ის რჩეულს გამოავლენს. კონკურსის მთავარი პრიზი ავტომობილია.

პროექტი „სტუდენტური სახე" ტრადიციულ ხასიათს ატარებს და საქართველოს სპორტისა და ახალგაზრდობის საქმეთა სამინისტროს პატრონაჟით უკვე მეოთხე წელია ხორციელდება.

internet.ge