სკანდალური ვებ-გვერდი სირიის შესახებ 2,5 მილიონი ელექტრონული წერილის გამოქვეყნებას აპირებს. აღნიშნული ინფორმაცია ინტერნეტ-რესურსის წარმომადგენელმა შვედეთში გამართულ კონფერენციაზე გაახმოვანა - იუწყება „ლაიფ-ნიუსი“.

სირიის საქმეში ფიგურირებს დაახლოებით 678 ათასი ავტორი (ვინც წერილები გაგზავნა) სირიის საგარეო საქმეთა, ფინანსთა, ტრანსპორტისა და კულტურის სამინისტროებიდან.

Wikileaks-ის წარმომადგენლის, სარა ჰარისონის თქმით, წერილები ფარდას ხდიან სირიის ხელისუფლების კავშირებს უცხოურ კომპანიებთან.

ვებ-გვერდის დამფუძნებელმა, ჟულიან ასანჟმა, რომელიც ბრიტანეთის მართლმსაჯულებას გაექცა და თავს ლონდონში ეკვადორის საელჩოს აფარებს, ვებ-გვერდზე თავისი კომენტარი დადო: „ეს მასალა სირიის მთავრობას ძალიან არ ესიამოვნება, თუმცა რთულ მდგომარეობაში ჩააყენებს ოპოზიციასაც“ - დაწერა ასანჟმა.

internet.ge