საქართველოს მართმადიდებლური ეკლესიის წმინდა სინოდისთვის მიუღებელია პოლიტიკურ აქციებში მღვდელმსახურთა მონაწილეობა. ამის შესახებ სინოდის დადგენილებაშია ნათქვამი.

„ეკლესია ყოვლისმომცველია და მასში ყოფნა ნებისმიერი პოლიტიკური პარტიის წევრს შეუძლია. ჩვენ მოწოდებული ვართ, რომ გავაერთიანოთ ქვეყანა და სწორედ ამიტომ დაუშვებელია ეკლესიის მსახურთა პოლიტიკურ აქციებში მონაწილეობა,“ - აღნიშნა კათალიკოს პატრიარქმა ილია მეორემ.

აღსანიშნავია, რომ ოპოზიციური მოძრაობა „ქართული ოცნების“ მიერ გამართულ აქციებში ხშირად ჩანან მღვდელმსახურები. გარდა ამისა, ოპოზიციონერი ლიდერები განსაკუთრებით უსვამენ ხაზს ეკლესიის წარმომადგენელთა აქციებში მონაწილეობას, როგორც საქართველოს მართმადიდებლური ეკლესიის მხადრაჭერის გამოხატულებას.

internet.ge