სირიის რესპუბლიკური გვარდიის გენერალი მანაფ ტლასი, რომელიც ბაშარ ასადთან დაახლოებული პირია, თურქეთში გაიქცა. ამის შესახებ „როიტერი“ იუწყება.

სააგენტოს მონაცემებით, გენერალი-დეზერტირის შესახებ ცნობა არაბულმა საინფორმაციო პორტალმა „სირიასტეპსმა“, სირიის უშიშროების სამსახურის მაღალჩინოსნებზე დაყრდნობით გაავრცელა.

„მაღალჩინოსანმა დაადასტურა გენერალ ტლასის თურქეთში გაქცევის ცნობა“ - წერს სააგენტო.

მანაფ ტლასი არის შვილი 80 წლის გენერლის მუსტაფა ტლასისა, რომელიც 1972-2004 წლებში სირიის თავდაცვის მინისტრი იყო, ახლა კი შეიარაღებული ძალების გენშტაბის უფროსის მოადგილის პოსტი უკავია.

თურქული მედიის ინფორმაციით, სირიიდან თურქეთში გაქცეული უკვე 700 სამხედრო იმყოფება, აქედან 20 - გენერალია.

internet.ge