ისანი–სამგორს რაიონში, ახალი მრავალფუნქციური სავაჭრო კომპლექს „ფენიქსის“ გახსნას თბილისი მერი, გიგი უგულავა დაესწრო.

აღნიშნული სავჭრო კომპლექსი, რომელიც ორი ერთმანეთთან ფუნქციურად დაკავშირებული შენობისგან შედგება, მომხმარებელს ყოველდღიურად სხვადასხვა სახის მომსახურებასა და მაღალი ხარისხის სერვისს შეთავაზებენ.

ობიექტში საოჯახო ტექნიკის, ტანსაცმლის, საიუველირო, წიგნებისა  და სხვადასხვა სახეობის მაღალხარისხიანი პროდუქციის მაღაზიები და ”ვითიბი“ ბანკის ფილიალი განთავსდა.

სავაჭრო ობიექტში ამჟამად 250-მდე ადამიანია დასაქმებული, რომელთაგანაც გარკვეული რაოდენობა მერიის დასაქმების მსურველთა ბაზიდან შეირჩა.

დასაქმების მსურველთა ბაზა თბილისის მერიაში უკვე მეორე წელია ფუნქციონირებს  და ქალაქის 30 მუნიციპალიტეტში არსებულ დასაქმების მსურველთა მონაცემებს აერთიანებს.

დარეგისტრირება ნებისმიერ მოქალაქეს სახლთან ახლოს, რაიონულ მუნიციპალიტეტში შეუძლია.

internet.ge