სტავროპოლის მხარეში 8
წლის ბიჭი გარდაიცვალა, რომელსაც ოპერაცია აფხაზეთში გაუკეთეს - იუწყება
ადგილობრივი საგამოძიებო კომიტეტი.
სამართალდამცავების
განცხადებით, ბავშვმა თავი გაგრიდან მატარებლით მგზავრობისთანავე ცუდად იგრძნო,
რის გამოც მატარებელი სტავროპოლის მხარის ქალაქ ნოვოპავლოვსკში გააჩერეს და პაციენტი კიროვის ცენტრალურ
საავადმყოფოში გადაიყვანეს.
„სიკვდილამდე ერთი დღით
ადრე, 8 წლის ბავშვს, რომელიც ვლადიკავკაზის მკვიდრია, აპენდიციტის ოპერაცია
გაგრაში გაუკეთეს. მშობლებმა მისი საავადმყოფოდან წაყვანა დროზე ადრე ითხოვეს,
რადგან მატარებლის ბილეთები უკვე ნაყიდი ჰქონდათ. მედიკოსებმა ისინი გაუშვეს.
ოპერაცია 4 ივლისს ჩატარდა“ - განუცხადა „რია ნოვოსტის“ საგამოძიებო კომიტეტის
წარმომადგენელმა ელენა გრიშკომ.
მიმდინარეობს მომხდარი
ფაქტის მოკვლევა, რის შემდეგაც სისხლის სამართლის საქმის აღძვრა-არაღძვრის საკითხი
გადაწყდება.
internet.ge
