მონიტორინგის სამსახურის ინფორმაციით,  „მოქალაქეთა პოლიტიკური გაერთიანებების შესახებ“ საქართველოს ორგანული კანონის 341 მუხლის მე-2 პუნქტის „ზ“ ქვეპუნქტის საფუძველზე, პოლიტიკური დაფინანსების გამჭვირვალობის უზრუნველყოფის მიზნით, ფინანსური მონიტორინგის სამსახურმა პირველ ეტაპზე პოლიტიკური გაერთიანებებისათვის შეწირული თანხების წარმომავლობის დასაბუთებულობის დასადგენად 32 პირი მოიწვია.

უწყება ვერ ჩაბარდა - 5 პირს.

სულ გამოკითხა 27 პირი (მათ შორის ‘’ერთიანი ნაციონალური მოძრაობა" - 6, ‘’თავისუფალი საქართველო" - 4, ‘’ეროვნული ფორუმი" - 8, ‘’კონსერვატიული პარტია" - 5, ‘’რესპუბლიკური პარტია" - 2, ‘’ქართული ოცნება"- 2)

გამოკითხვის შედეგად შემოწირულობის კანონიერება დაასაბუთა 10-მა პირმა:‘’ერთიანი ნაციონალური მოძრაობიდან" 5-მა პირმა.

"ეროვნული ფორუმიდან" ერთმა პირმა.

"კონსერვატიული პარტიიდან" ერთმა პირმა.

"რესპუბლიკური პარტიიდან" ორმა პირმა.

"ქართული ოცნებიდან" ერთმა პირმა.

გამოკითხვის შედეგად შემოწირულობის კანონიერება ვერ დაასაბუთა 17-მა პირმა.

შესაბამისად, 17 პირის მიმართ შედგა სამართალდარღვევის ოქმი და საქმე განსახილველად ქ.თბილისის საქალაქო სასამართლოს გადაეგზავნა.

internet.ge