შინაგან საქმეთა სამინისტროს პრესსამსახურის ყოფილი უფროსი ზურაბ გვენეტაძე, პრემიერ-მინისტრის საზოგადოებასთან ურთიერთობის სამსახურს უხელმძღვანელებს. ამის შესახებ ინფორმაცია „ინტერნეტ.ჯი“-ს გვენეტაძემ თავად დაუდასტურა.

მისი თქმით, მთავრობის კანცელარიაში განაგრძობს მუშაობას შსს-ს ანალიტიკური დეპარტამენტის ყოფილი ხელმძღვანელი შოთა უტიაშვილიც. თუმცა გვენეტაძე უტიაშვილის თანამდებობას ჯერჯერობით არ ასახელებს.

„ინტერნეტ.ჯი“ შოთა უტიაშვილსაც დაუკავშირდა, რომელმაც პრემიერ-მინისტრის აპარატში გადასვლა დაადასტურა.

„ინფორმაციას, რომელიც ჩემს თანამდებობას ეხება, ორ დღეში გაიგებთ“,- განაცხადა უტიაშვილმა.

internet.ge