ეროვნულ-დემოკრატიული ინსტიტუტის (NDI) კვლევის შედეგების მიხედვით, გამოკითხულთა 36 პროცენტისთვის რელიგიური მრწამსი ყოველდღიური გადაწყვეტილების მიღებაში ძალიან მნიშვნელოვანია.

დღეს, ეროვნულ-დემოკრატიულმა ინსტიტუტმა (NDI) კვლევების პრეზენტაცია გამართა, სადაც კითხვაზე – „რამდენად მნიშვნელოვანია თქვენი რელიგიური მრწამსი ყოველდღიური გადაწყვეტილების მიღებაში?“ 36 პროცენტი აცხადებს, რომ ძალიან მნიშვნელოვანია, 48 პროცენტი ამბობს, რომ მნიშვნელოვანია,  14 პროცენტი – ნეიტრალურია, ხოლო 2 პროცენტისთვის უმნიშვნელოა.  

ამასთან, კითხვაზე – „განსაკუთრებული ღონისძიებების გარდა, როგორიცაა ქორწინება ან გასვენება, რამდენად ხშირად ესწრებით რელიგიურ მსახურებას?“ – 1 პროცენტი ამბობს, რომ ყოველ დღე ესწრება, კვირაში ერთზე მეტჯერ – 5 პროცენტი ესწრება, კვირაში ერთხელ – 13 პროცენტი, თვეში ერთხელ მაინც – 17 პროცენტი, მხოლოდ განსაკუთრებულ დღესასწაულებზე – 23 პროცენტი, უფრო იშვიათად – 27 პროცენტი, ხოლო არასოდეს – 13 პროცენტი.

internet.ge