სრულიად საქართველოს კათოლიკოს-პატრიარქმა,  მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა,  უწმინდესმა და უნეტარესმა ილია მეორემ დღეს, პეტრე-პავლობის დღესასწაულთან დაკავშირებით მრევლს ქადაგებით მიმართა. 

როგორც პატრიარქმა ქადაგებისას ბრძანა, საქართველომ უნდა აჩვენოს მთელს მსოფლიოს, რომ ქართველი ხალხი და ქვეყანა დემოკრატიისკენ ისწრაფვის.

„ოქტომბრის თვეში ყველა უნდა გავიდეს პარლამენტის ასარჩევად და ხმა მისცეს. არ უნდა უთხრათ ერთამენთს, არ უნდა გაბედოთ და იკადროთ ისეთი სიტყვების თქმა, რომლისაც მერე შეგრცხვება. თქვენ შეგიძლიათ ბევრი ილაპარაკოთ თქვენს პროგრამაზე, კონცეფციაზე, მაგრამ არავითარ შემთხვევაში ტალახი არ უნდა შევასხათ ერთმანეთს. უნდა ვაჩვენოთ მთელ მსოფლიოს, რომ ქართველი ხალხი და საქართველო არის მაღალი კულტურის ქვეყანა და ჩვენ ვისწრაფით დემოკრატიისაკენ“,- ბრძანა პატრიარქმა.

internet.ge