27 წლის ვადიმი, რომელსაც „ნისანის“ მარკის ავტომობილი 100 კმ/სთ სიჩქარით მიჰყავდა, გზატკეცილზე დამცავ ზოლს დაეჯახა. მანქანა ინერციით რამდენჯერმე გადაბრუნდა და რკინის მოაჯირსაც შეეჯახა, რომლის ნამსხვრევებიც გზატკეცილიდან ათობით მეტრის დაშორებით გაიფანტა. მისი მძღოლი ადგილზევე გარდაიცვალა.

ავარიის შედეგად, ერთ-ერთი ფუნდამენტური ბოძი დაზიანდა, რომლის ნაწილიც მცირე მანძილით ასცდა გზაზე მიმავალ „ფოლკსვაგენის“ მარკის ავტომობილს და მხოლოდ მისი წინა საქარე მინა დააზიანა. მანქანაში მსხდომი მძღოლი და მისი მცირეწლოვანი შვილი მცირედით დაშავდნენ.

მოგვიანებით ცნობილი გახდა, რომ „ნისანის“ მძღოლი ვადიმი სიჩქარის გადაჭარბების გამო ოთხჯერ იყო დაჯარიმებული.

internet.ge