საქართველოს თავდაცვის სამინისტრო ღრმა მწუხარებას გამოთქვამს რიგითი კობა მახარაშვილის გარდაცვალების გამო და უსამძიმრებს გარდაცვლილის ოჯახს.
სამინისტროს ინფორმაციით, მომხდართან დაკავშირებით, აღძრულია სისხლის სამართლის საქმე, რომელსაც სამხედრო პოლიცია იძიებს.
„გამოძიების დასრულების შემდეგ საქმის დეტალები საზოგადოებისთვის ცნობილი გახდება“,- აცხადებენ
სამინისტროში.
დაკრძალვის
ხარჯებს თავდაცვის სამინისტრო დაფარავს. ასევე, გარდაცვლილის ოჯახს, მატერიალურად დაეხმარება.
შეგახსენებთ, რომ დღეს გორის სამხედრო ნაწილში 19 წლის ჯარისკაცი კობა
მახარაშვილი გარდაცვლილი იპოვეს. არსებული ინფორმაციით, ახალგაზრდა მამაკაცს ცეცხლსასროლი იარაღიდან ტყვია პირში აქვს
მოხვედრილი.
internet.ge
