საქართველოს პრეზიდენტი დღეს ყაზბეგს ესტუმრა. დაბა სტეფანწმინდაში მიხეილ სააკაშვილმა 156 ნომრიანი ახლადგახსნილი სასტუმრო „რუმს ყაზბეგი“ დაათვალიერა, რომელიც პირველ დამსვენებლებს უკვე იღებს. 

სასტუმროს მშენებლობაზე 200 სპეციალისტი იყო დასაქმებული, ამჟამად კი სასტუმროში 90-მდე ადამიანი მუშაობს, რომელთა შორის უმეტესობა ადგილობრივი მცხოვრებები არიან. სასტუმრო „რუმს ყაზბეგი“ მთლიანად ქართული ინვესტიციით აშენდა.

"ჩვენთვის რუსეთთან ურთიერთობა, სახალხო დიპლომატია ეს არის, აქ გადმოვა ასიათასობით რუსი", - განაცხადა სააკაშვილმა სასტუმროში სტუმრობისას.   

internet.ge