მიხეილ ცაგარელი: გეომაგნიტურია დღის მეორე ნახევარი. გაიზრდება კომფორტისა და თავისუფლების მოთხოვნილება. მოერიდეთ მოგზაურობას. ხშირად შეისვენეთ. ხანგრძლივი საუბრები სასიკეთო არ იქნება. მოერიდეთ ჭორებს. გადაამოწმეთ მიღებული ინფორმაცია, რამეთუ იზრდება მოტყუების ალბათობა.

მინერალებიდან სასიკეთოა: ოქროსფერი თოფაზი, სარდიონი, იაგუნდი, ჟადეიტი, ქარვა.

ფერებიდან დადებითია: ოქროსფერი, ვერცხლისფერი, ნარინჯისფერი, ნაცრისფერი, იასამნისფერი და ცისფერი.

სასიკეთო სიზმრები შემდგომ ახდება. გონების მმართველი პლანეტა მერკური ხდება რეტროგრადული (უკუმავალი) ლომის ნიშანში, რაც ადამიანებში მეტად გაამწვავებს ამბიციურობას, ქედმაღლობას, სიამაყეს, ამპარტავნებას, კრიტიკის ვერ ატანას და ა.შ. მზისა და პლანეტა სატურნის დაპირისპირება თვითგამოვლენის პრობლემას შეუქმნის ადამიანებს.

რთული დღეა ქორწინებისათვის, სასიყვარულო კონტაქტებისათვის, უძრავი ქონების ყიდვა-გაყიდვისათვის. სასიკეთოა დღე კონტაქტებისათვის, ინფორმაციის გაცვლისათვის, აუქციონებისათვის, მშენებლობისათვის, ცხოველთა სელექციისათვის.  ჯანმრთელობის მხრივ სუსტდება ფილტვები, ბრონქები, ხელები და მხრები.

დღე დადებითია ვერძის, ტყუპების, ლომისა და სასწორისათვის; უარყოფითია –კირჩხიბის, თხის რქისა და თევზებისათვის.

internet.ge