„ლიბერთი ბანკი“ მომდევნო სამი დღის განმავლობაში, ჯანმრთელობის პოლისების დარიგების გამო, განსაკუთრებულ რეჟიმში იმუშავებს.

რიგების შესამცირებლად, ყველა ოფისი და სერვისცენტრი მთელი საქართველოს მასშტაბით, მუშაობის საათებს გაახანგრძლივებს.  ბანკები მომხმარებლებს 08:00 საათიდან 20:00 საათამდე მოემსახურება.

„ლიბერთი ბანკის“ გენერალური დირექტორის მოადგილის ზურაბ წულაიას განცხადებით, ბანკში მობილიზაციაა გამოცხადებული. მისივე ინფორმაციით, ამ დროისათვის 20 ათასამდე პოლისი უკვე გაცემულია.

პრეზიდენტი დღეს „ლიბერთი ბანკის“ ფილიალში პირადად აკვირდებოდა სადაზღვევო პოლისების დარიგების პროცესს და  არსებული დიდი რიგების გამო, სააკაშვილმა ბანკის ხელმძღვანელობას პროცესის მოწესრიგება მოსთხოვა.

internet.ge