რეინტეგრაციის საკითხებში საქართველოს სახელმწიფო მინისტრის აპარატი სამთავრობო ანგარიშს აქვეყნებს, რომელიც ეროვნული უმცირესობების საკითხებს ეხება.
"შემწყნარებლობისა და სამოქალაქო ინტეგრაციის ეროვნული
კონცეფციითა და
2009-2014 წლების სამოქმედო
გეგმით" გათვალისწინებულია ექვსი სტრატეგიული მიმართულება - კანონის უზენაესობა, განათლება და
სახელმწიფო ენა,
მედია და
ინფორმაციის ხელმისაწვდომობა, პოლიტიკური ინტეგრაცია და სამოქალაქო მონაწილეობა, სოციალური და
რეგიონალური ინტეგრაცია და კულტურა
და თვითმყოფადობის შენარჩუნება.
სახელმწიფო
უწყებათაშორისი კომისია,
რომელმაც სამოქმედო გეგმის შესრულების მესამე წლიური ანგარიში
მოამზადა, 2009 წელს ჩამოყალიბდა. 2011 წლის სამოქმედო გეგმის იმპლემენტაციის პროცესში, პროგრამებისა და განსახორციელებელი ღონისძიებების კოორდინაციის მიზნით, სისტემატურად მიმდინარეობდა კონსულტაციები ქვეყნის სამი რეგიონის -
კახეთის, ქვემო ქართლის, სამცხე-ჯავახეთის
- სამხარეო ადმინისტრაციებისა და ადგილობრივი თვითმმართველობის ორგანოების წევრებთან,
ისევე, როგორც სამოქალაქო სექტორის წარმომადგენლებთან.
internet.ge
