ჰილარი კლინტონი აშშ-ის სახელმწიფო მდივნებს შორის რეკორდსმენი გახდა. საგარეო საქმეთა სამინისტროს ოფიციალური სტატისტიკის თანახმად, 2009 წელს პოსტზე დანიშვნის დღიდან მოყოლებული კლინტონმა 102 ქვეყანა მოინახულა.

ამერიკული დიპლომატიის მეთაურმა გასვლით ტურებში თითქმის მთელი წელი - 352 დღე გაატარა. ამასთანავე, მან 1 357 414 კილომეტრი გადალახა, რაც დედამიწის 10-ჯერ შემოვლას უდრის.

ბოლო დროს კლინტონმა არაერთხელ აღნიშნა, რომ სახელმწიფო მდივნის პოსტი მას ბევრ დროსა და ენერგიას ართმევს, ამიტომაც ნოემბრის საპრეზიდენტო არჩევნების შემდეგ, იგი დასვენებას აპირებს, - იუწყება ИТАР-ТАСС.

ჰილარი კლინტონამდე ეს რეკორდი მადლენ ოლბრაიტს ეკუთვნოდა. აშშ-ის პირველმა ქალმა სახელმწიფო მდივანმა, რომელიც საგარეო უწყებას 1997-2001 წლებში ხელმძღვანელობდა, მსოფლიოს 98 ქვეყანა მოიარა.

Internet.ge