რუსეთსა და ბალტიის ქვეყნებში აკრძალულ, ზრდისთვის გათვალისწინებულ ჰორმონალურ პრეპარატს გარდაცვლილი ადამიანების ცხედრებისგან ამზადებენ. ამის შესახებ დოპინგის სფეროში გერმანელმა ექსპერტმა ხორსტ პაგელმა გაზეთ Lübecker Nachrichten-თან ინტერვიუში განაცხადა. მისივე თქმით, ეს პრეპარატები არალეგალურად ევროპაში შედის.

სპორტსმენებისთვის არალეგალური დოპინგის მწარმოებლები უფრო და უფრო მეტად გამომგონებლები ხდებიან. ცხედრების გამოყენება ფასის მხრივ დოპინგს უფრო ხელმისაწვდომს ხდის. სიმაღლის პრეპარატი თითქმის 20 ევრო ღირს, მაშინ, როცა არალეგალური დოპინგი სპორტსმენებს სულ რაღაც 2 ევრო უჯდებათ.

დოპინგის დამზადების აღნიშნული მთოდი ფართოდ გამოიყენება, პირველ რიგში, რუსეთსა და ბალტიის ქვეყნებში - ამბობს ექსპერტი. მისი თმით, ბანკები, სადაც საჭირო ორგანოები ინახება, არის სანკტ-პეტერბურგსა და რიგაში. გარდა ამისა, პრეპარატები, ლუბეკის პორტიდან  არალეგალურად შეაქვთ გერმანიაში, საიდანაც ევროპულ ბაზრებზე ვრცელდება.

„ეს მაფიოზური სტრუქტურებია“ - განაცხადა პაგელმა და დასძინა, რომ გარდაცვლილი ადამიანის ცხედრისგან დამზადებული დოპინგის გამოყენებამ, შესაძლოა, საშიში დაავადებების გავრცელება გამოიწვიოს.

internet.ge