რამდენიმე საათში
ვარდების მოედანზე რიგით მესამე ლუდის ფესტივალი გაიხსნება. ღონისძიება კომპანია
„ნატახტარის“ ეგიდით ტარდება და ის წელს გაცილებით მასშტაბური იქნება.
ფესტივალის ფარგლებში
ჩატარდება კონცერტი, სადაც მაყურებლის წინაშე ცნობილი ქართული მუსიკალური ჯგუფები
და ქართველი მომღერლები წარსდგებიან. გარდა ამისა, ორგანიზატორთა განცხადებით,
გაზრდილია მომსახურე პერსონალის რაოდენობა, რაც რიგების შემცირებას უზრუნველყოფს.
წლევანდელ ფესტივალზე
ლუდით სავსე 100 ლიტრიან კასრს საზეიმოდ საქართველოს რაგბის ნაკრების წევრი ზაზა
ბრეგვაძე გახსნის. რედისონში გამართულ პრეს-კონფერენციაზე მას საამისოდ სპეციალური
ხის ჩაქუჩიც გადასცეს.
ფესტივალი 4 სთ-ზე
გაიხსნება. მისი მხარდამჭერი თბილისის მერიაა.
Internet.ge
