შრომის, ჯანმრთელობისა და სოციალური დაცვის მინისტრი ზურაბ ჭიაბერაშვილი ბაღდათში, კბილაშვილების მრავალსულიან ოჯახს ესტუმრა და ჯანმრთელობის დაზღვევის პოლისები პირადად გადასცა. კუთვნილი პოლისებით სარგებლობას კბილაშვილების ოჯახის წევრები 2012 წლის 1 სექტემბრიდან შეძლებენ.

ზურაბ ჭიაბერაშვილმა ოჯახის წევრებს პოლისით გათვალისწინებული მომსახურებებისა და სარგებლობის წესების შესახებ დეტალური ინფორმაცია მიაწოდა, ისაუბრა ჯანმრთელობის დაზღვევის მნიშვნელობასა და დაზღვეულთა წრის გაფართოების აუცილებლობაზეც.

მოგვიანებით, ჯანდაცვის მინისტრმა შპს „ჯეო-ჰოსპიტალსის" კუთვნილი მრავალპროფილური სამედიცინო ცენტრი დაათვალიერა და კლინიკაში დასაქმებულ მედპერსონალს შეხვდა. ზურაბ ჭიაბერაშვილმა მედიკოსებს ჯანდაცვის სექტორში არსებული გამოწვევები და რეფორმის ძირითადი მიმართულებები გააცნო. მან ყურადღება მედპერსონალის ანაზღაურების მომატებაზეც გაამახვილა.

Internet.ge