საქართველოს შსს მომსახურების სააგენტო მართვის მოწმობის მიღების უფლების წესში შეტანილ  ცლილებებებზე ინფორმაციას ავრცელებს, რომელსაც უცვლელად გთავაზობთ:

„საქართველოს კანონმდებლობაში განხორციელებული ცვლილებების შედეგად დადგენილი სატრანსპორტო საშუალებების კატეგორიები, ქვეკატეგორიები, გამოცდისათვის დადგენილი მინიმალური ასაკი და გამოცდის კატეგორია:

A კატეგორია: მოტოციკლი - ასაკი: 24 წელი (21 წელი თუ აქვს A1-ის 2 წლის სტაჟი), გამოცდის კატეგორია: I;

A1 ქვეკატეგორია: მოტოციკლი, რომლის ძრავას მუშა მოცულობა არ აღემატება 125 სმ3-ს, ხოლო მაქსიმალური სიმძლავრე − 11 კვტ-ს (მსუბუქი მოტოციკლი) - ასაკი: 17 წელი, გამოცდის კატეგორია: I;

B კატეგორია: B კატეგორიის ავტომობილი, რომლის ნებადართული მაქსიმალური მასა არ აღემატება 3 500 კგ-ს და რომლის დასასხდომი ადგილების რაოდენობა, გარდა მძღოლის ადგილისა, 8-ს არ აღემატება, აგრეთვე გადაბმული მისაბმელთან, რომლის ნებადართული მაქსიმალური მასა არ აღემატება 750 კგ-ს, ან გადაბმული მისაბმელთან, რომლის ნებადართული მაქსიმალური მასა აღემატება 750 კგ-ს, მაგრამ არ აღემატება ავტომობილის დაუტვირთავ მასას, ხოლო ასეთი შემადგენლობის საერთო ნებადართული მაქსიმალური მასა არ აღემატება 3 500 კგ-ს - ასაკი: 17 წელი, გამოცდის კატეგორია: I;

B1ქვეკატეგორია: მოტორიზებული ტრიციკლი და კვადროციკლი - ასაკი: 16 წელი, გამოცდის კატეგორია: I;

BE ქვეკატეგორია: B“ კატეგორიის ავტომობილი, გადაბმული მისაბმელთან, რომლის ნებადართული მაქსიმალური მასა აღემატება 750 კგ-ს და ავტომობილის დაუტვირთავ მასას, გადაბმული მისაბმელთან, რომლის ნებადართული მაქსიმალური მასა აღემატება 750 კგ-ს, ხოლო ასეთი შემადგენლობის საერთო ნებადართული მაქსიმალური მასა აღემატება 3 500 კგ-ს - ასაკი: 18 წელი;

C კატეგორია: ა/მანქანა, რომლის ნებადართული მაქსიმალური მასა აღემატება 3 500 კგ-ს, აგრეთვე გადაბმული მისაბმელთან, რომლის ნებადართული მაქსიმალური მასა არ აღემატება 750 კგ-ს. - ასაკი: 21 წელი (B კატეგორიის 1 წლის სტაჟი), გამოცდის კატეგორია: II;

C1ქვეკატეგორია: ავტომობილი, რომლის ნებადართული მაქსიმალური მასა აღემატება 3 500 კგ-ს, მაგრამ არ აღემატება 7 500 კგ-ს, აგრეთვე გადაბმული მისაბმელთან, რომლის ნებადართული მაქსიმალური მასა არ აღემატება 750 კგ-ს. - ასაკი: 18 წელი (B კატეგორია), გამოცდის კატეგორია: II;

C1E ქვეკატეგორია: „C1“ ქვეკატეგორიის ავტომობილი, გადაბმული მისაბმელთან, რომლის ნებადართული მაქსიმალური მასა აღემატება 750 კგ-ს, მაგრამ არ აღემატება ავტომობილის დაუტვირთავ მასას, ხოლო ასეთი შემადგენლობის საერთო ნებადართული მაქსიმალური მასა არ აღემატება 12 000 კგ-ს - ასაკი: 18 წელი;

CE ქვეკატეგორია: C“ კატეგორიის ავტომობილი, გადაბმული მისაბმელთან, რომლის ნებადართული მაქსიმალური მასა აღემატება 750 კგ-ს - ასაკი: 21 წელი;

D კატეგორია: ა/მანქანა, რომელიც განკუთვნილია მგზავრთა გადასაყვანად და რომლის დასასხდომი ადგილების რაოდენობა, გარდა მძღოლის ადგილისა, 8-ს აღემატება, აგრეთვე „D“ კატეგორიის ავტომობილი, გადაბმული მისაბმელთან, რომლის ნებადართული მაქსიმალური მასა არ აღემატება 750 კგ-ს. - ასაკი: 24 წელი (B კატეგორიის 1 წლის სტაჟი), გამოცდის კატეგორია: II;

D1 ქვეკატეგორია: მგზავრთა გადასაყვანად განკუთვნილი ავტომობილი, რომლის დასასხდომი ადგილების რაოდენობა, გარდა მძღოლის ადგილისა, აღემატება 8-ს, მაგრამ არ აღემატება 16-ს და რომლის სიგრძე არ აღემატება 8 მეტრს, აგრეთვე „D1“ ქვეკატეგორიის ავტომობილი, გადაბმული მისაბმელთან, რომლის ნებადართული მაქსიმალური მასა არ აღემატება 750 კგ-ს - ასაკი: 21 წელი (B კატეგორიის 1 წლის სტაჟი), გამოცდის კატეგორია: II;

D1E ქვეკატეგორია: „D1“ ქვეკატეგორიის ავტომობილი, გადაბმული მისაბმელთან, რომელიც არ არის განკუთვნილი მგზავრთა გადასაყვანად და რომლის ნებადართული მაქსიმალური მასა აღემატება 750 კგ-ს, მაგრამ არ აღემატება ავტომობილის დაუტვირთავ მასას, ხოლო ასეთი შემადგენლობის საერთო ნებადართული მაქსიმალური მასა არ აღემატება 12 000 კგ-ს. - ასაკი: 21 წელი;

DE ქვეკატეგორია: „D“ კატეგორიის ავტომობილი, გადაბმული მისაბმელთან, რომლის ნებადართული მაქსიმალური მასა აღემატება 750 კგ-ს. - ასაკი: 24 წელი;

T კატეგორია: სასოფლო-სამეურნეო, სამელიორაციო ან სატყეო სამუშაოების შესასრულებლად განკუთვნილი თვლიანი ან მუხლუხა სასოფლო-სამეურნეო მანქანა, აგრეთვე „T“ კატეგორიის მექანიკური სატრანსპორტო საშუალება, გადაბმული მისაბმელთან - ასაკი: 17 წელი, გამოცდის კატეგორია: III;

S კატეგორია: საგზაო-სამშენებლო სამუშაოების შესასრულებლად განკუთვნილი თვლიანი ან მუხლუხა სპეციალიზებული თვითმავალი მანქანა, რომლის კონსტრუქციული სიჩქარე არის 6 კმ/სთ-ზე მეტი და 45 კმ/სთ-ზე ნაკლები, აგრეთვე „S“ კატეგორიის მექანიკური სატრანსპორტო საშუალება, გადაბმული მისაბმელთან - ასაკი: 18 წელი, გამოცდის კატეგორია: III;

ტრამვაი: ტრამვაი - ასაკი: 21 წელი, გამოცდის კატეგორია: I.

Internet.ge