შპს “ბურჯის“ ქონების გაყიდვვის მიუხედავად, აღსრულების ბიუროს კომპანიისგან დამატებით 3 მილიონი ლარი აქვს ამოსაღები.

როგორც „ინტერნეტ.ჯი”-ს აღსრულების ბიუროში განუცხადეს, აუქციონზე გასატანად  დამატებითი ქონების მოძიება მიმდინარეობს.

ცნობისთვის, გუშინ აუქციონზე შპს “ბურჯის” ქონება 8 761 513. 55 ლარად გაიყიდა.

ჯერჯერობით მყიდველის ვინაობა არ კონკრეტდება. მყიდველმა თანხა 10 დღის ვადაში უნდა გადაიხადოს, რის შემდეგაც მფლობელის ვინაობა ცნობილი გახდება.

აღსრულების ეროვნული ბიუროს ინფორმაციით, თბილისის საქალაქო სასამართლოს მიერ 2012 წლის 16 ივლისს საარჩევნო კამპანიის დაფინანსების შესახებ კანონმდებლობის დარღვევის გამო გაცემული #4/2756-12 და #4/2751-12 სააღსრულებო ფურცლების საფუძველზე შპს "ბურჯს" ჯარიმის სახით დაეკისრა 11 018, 105 ლარის გადახდა, მას ასევე გადასახდელად დაეკისრა აღსრულების საფასური  771 267,35 ლარის ოდენობით.

"სააღსრულებო წარმოებათა შესახებ" საქართველოს კანონის შესაბამისად, იძულებით საჯარო აუქციონზე განთავსებული ქონების საწყისი ფასია ექსპერტის მიერ დადგენილი საბაზრო ღირებულების 50%, შესაბამისად  შპს "ბურჯის" ქონების საწყისი ფასი აუქციონზე  5 153 831,5 ლარი იყო.

Internet.ge