საქართველოს შრომის, ჯანმრთელობისა და სოციალური დაცვის მინისტრმა, ზურაბ ჭიაბერაშვილმა, დღეს, სამინისტროს საქმიანობის სამოქმედო გეგმის პრეზენტაცია გამართა, რომელსაც საქართველოს სხვადასხვა სამედიცინო დაწესებულების ექიმები და ექთნები ესწრებოდნენ.

ზურაბ ჭიაბერაშვილმა გამოსვლა სექტორში არსებული მიღწევებისა და სირთულეების მიმოხილვით დაიწყო. მინისტრმა ჯანდაცვის სისტემის გამოწვევათა შორის, სამედიცინო მომსახურების ფინანსური ხელმისაწვდომობა, სადაზღვევო პოლისით შუეფერხებელი სარგებლობა და სამედიცინო პერსონალის კვალიფიკაციის საკითხი გამოყო.

მინისტრის თქმით, წლის ბოლოს თითქმის ყოველი მეორე მოქალაქე ისარგებლებს დაზღვევით, რის ფონზეც კიდევ უფრო აქტუალური ხდება ჯანმრთელობისა და სოციალური დაცვის სისტემის დახვეწა და მიმდინარე რეფორმების წარმატებით დასრულება.

ზურაბ ჭიაბერაშვილმა საზოგადოებას ის კონკრეტული ინიციატივები გააცნო, რომელსაც სექტორში არსებული გამოწვევების დასაძლევად სამინისტრო განახორციელებს.

“დაიხვეწება ოჯახების შეფასების ე.წ. ქულათა სისტემა; გაძლიერდება დაზღვეულების უფლებების დასაცავად შექმნილი მედიაციის სამსახური, რომელიც დაარეგულირებს უერთიერთობებს მოქალაქეს, სადაზღვევო კომპანიასა და სამედიცინო დაწესებულებას შორის; განვითარდება „ჭკვიანი რეგულირების" სისტემა, რათა სამედიცინო დაწესებულებებმა დანერგონ დაავადებათა მკურნალობის სტანდარტები; შეიქმნება ექიმებისა და ექთნების კვალიფიკაციის ამაღლების ეფექტური მექანიზმი, რომელიც იმავდროულდ უზრუნველყოფს ჯანდაცვის სფეროს წარმომადგნელების პროფესიული რეპუტაციის ამაღლებას; ეტაპობრივად მოხდება ელექტრონული ჯანდაცვის სისტემისაკენ სვლა“,- განაცხადა ჭიაბერაშვილმა.

Internet.ge