"ქართული ოცნება" ქართულ და საერთაშორისო სადამკვირვებლო ორგანიზაციებს აჭარაში მომხდარი ინციდნეტის დროულად და სრულყოფილად შესწავლისა და ობიექტური შეფასებისკენ მოუწოდებს.

კოალიციამ შუამთობის დღესასწაულზე მომხდარ ინცინდენტთან დაკავშირებით ინფორმაცია რამოდენიმე წუთის წინ გაავრცელა.

„კოალიცია "ქართული ოცნების" შეშფოთებას იწვევს მმართველი პარტიის მხრიდან აღნიშნული ქცევის წესების სისტემატური დარღვევა. კერძოდ, ბოლო დღეებში აჭარაში კვლავ დაფიქსირდა ხელისუფლების წარმომადგენელთა მხრიდან სამოქალაქო დაპირისპირების გაღვივებისა და ახალგაზრდების დანაშაულებრივ ქმედებაში ჩათრევის მცდელობა.

მივმართავთ ქართულ და საერთაშორისო სადამკვირვებლო ორგანიზაციებს, დროულად და სრულყოფილად შეისწავლონ აღნიშნული ფაქტები და ობიექტური შეფასება მისცენ მომხდარს. ჩვენ მზად ვართ ვითანამშრომლოთ ყველა დაინტერესებულ ორგანიზაციასთან და მივაწოდოთ ჩვენს ხელთ არსებული სრული ინფორმაცია აღნიშნულ მოვლენებთან დაკავშირებით“,- ნათქვამია განცხადებაში.

შეგახსენებთ, რომ 2 დღის წინ ივანიშვილის ბეშუმში ვიზიტს ხმაური მოჰყვა. „ქართული ოცნების“ ლიდერი  თავის მომხრეებთან ერთად მმართველი გუნდის აქციაზე გამოჩნდა. რასაც ღონისძიებაზე შეკრებილების გაღიზიანება მოჰყვა. 

internet.ge