რუსეთ-საქართველოს ომის მეოთხე წლისთავთან დაკავშირებით საქართველოს მხარდასაჭერი აქციები ევროპის რამდენიმე ქვეყანაში გაიმართა. მათ შორის თურქეთში. ამ ტერიტორიაზე მცხოვრები ქართველები სტამბულში, რუსეთის საელჩოსთან შეიკრიბნენ. დემონსტრანტებმა სპეციალური მიმართვა წაიკითხეს და რუსეთს კიდევ ერთხელ მოუწოდეს ოკუპირებული ცხინვალისა და აფხაზეთის რეგიონიდან ჯარების გაყვანისკენ.

აქციაში ასამდე ადამიანი მონაწილებოდა. რუსეთის საელჩოსთან მათ საქართველოსა და თურქეთის დროშები გაშალეს და რუსეთის საწინააღმდეგო ლოზუნგებს სკანდირებდნენ.

აქციის მონაწილეთა განცხადებით, მათი შეკრების მიზანია რუსეთის ხელისუფლებას შეახსენონ რა დანაშაული ჩაიდინეს საქართველოში.

საქართველოს მხარდამჭერი აქციები გაიმართა უკრაინაში, მოლდოვასა და საბერძნეთშიც. აღნიშნულ ქვეყნებში მცხოვრები ქართველები რუსეთის საელჩოებსა და საკონსულოს შენობებთან შეიკრიბნენ. მათი მოთხოვნაც საქართველოს ოკუპირებული ტერიტორიებიდან რუსული ჯარების გაყვანა იყო.  

internet.ge