შინაგან საქმეთა სამინისტროს აკადემიაში ევროკავშირის მხარდაჭერით მიმდინარე პროექტის - „შინაგან საქმეთა  სამინისტროს სწავლების შესაძლებლობების განვითარება" შუალედური შედეგების პრეზენტაცია გაიმართა.

შსს-ს ინფორმაციით, პროექტი 2012 წლის იანვარში  ევროკავშირის გრანტის ფარგლებში დაიწყო და სახალხო დამცველის აპარატისა და იუსტიციის სამინისტროს მხარდაჭერით მიმდინარეობს.

სწავლება მრავალ კომპონენტს მოიცავს. პოლიციელები სისხლის სამართლის საპროცესო კოდექსში, დაკითხვის ტექნიკაში, ადამიანების უფლებათა დაცვის და ადამიანური რესურსების მართვის სფეროში იმაღლებენ ცოდნას. პროექტის ერთ-ერთი მიმართულება სისხლის სამართლის პროცესის ელექტრონული საქმისწარმოებისთვის მატერიუალურ-ტექნიკური ბაზის განახლებას გულისხმობს.

შეხვედრას საქართველოში ევროკავშირის დელეგაციის ხელმძღვანელი, ელჩი ფილიპ დიმიტროვი, სახალხო დამცველი გიორგი ტუღუში და აკადემიის რექტორი დავით აფრასიძე დაესწრნენ.

Internet.ge