ბათუმში,
ჯავახიშვილის
ქუჩაზე მდებარე სკვერში აგვისტოს ომში დაღუპულ გმირთა მემორიალური დაფა აჭარის მთავრობის თავმჯდომარემ, ლევან ვარშალომიძემ, საქართველოს პარლამენტის ვიცე-პრემიერმა გიორგი ბარამიძემ, ბათუმის მერმა, რობერტ ჩხაიძემ, უმაღლესი საბჭოს თავმჯდომარემ, მიხეილ მახარაძემ და რეგიონის მინისტრთა კაბინეტის წევრებმა ყვავილებით შეამკეს.
ღონისძიებას
ომში დაღუპულთა ოჯახების წევრებიც ესწრებოდნენ. სკვერში შეკრებილებმა რუსეთ-საქართველოს ომში დაღუპულები კიდევ ერთხელ გაიხსენეს და მათ ხსოვნას პატივი მიაგეს.
2008 წლის რუსეთ-საქართველოს ომში აჭარიდან 19 ჯარისკაცი დაიღუპა, მათ შორის,
2 ბათუმელი.
აგვისტოს მოვლენების დროს დაღუპულთა სახელობის სკვერი და გმირთა მემორიალი ბათუმში 3 წლის წინ გაიხსნა.
Internet.ge
